الأتوبيس الترددي بكام في 2026؟.. أسعار التذاكر والاشتراكات للطلاب وطريقة استخراجها
لو بتستخدم الأتوبيس الترددي أو طالب وعايز تعمل اشتراك، تعالى أقولك الأسعار والتفاصيل كاملة في 2026.
سعر التذكرة العادية بيبدأ من 5 جنيهات لو الرحلة من محطة لـ4 محطات، و10 جنيهات من 5 لـ9 محطات، و15 جنيهًا من 10 لـ14 محطة.
أما اشتراكات الطلاب، فبتختلف حسب عدد المحطات ومدة الاشتراك. اشتراك 4 محطات بيبدأ من 350 جنيه لـ3 شهور، ويوصل لـ1010 جنيه لـ9 شهور. أما 10 محطات، فالاشتراك من 680 لـ2000 جنيه، حسب المدة.
والأسعار بتزيد تدريجيًا مع عدد المحطات، لحد 30 محطة، والاشتراك فيها من 2150 جنيه لـ3 شهور، و6350 جنيه لـ9 شهور.
والدفع متاح نقدي من شبابيك الحجز، أو عن طريق إنستا باي، وكمان من خلال الحساب البنكي للشركة في البنك الأهلي.
والطالب يقدر يطلع الاستمارة من مكاتب الحجز أو صفحة الشركة، يطبعها ويملأها ويختمها من جهة التعليم، وبعد كده يسلمها في محطة إسكندرية الزراعي أو أكاديمية الشرطة.
