قفلة كاملة في الجيزة بسبب القطار الكهربائي.. اعرف الميدان اللي هيتقفل وموعد الغلق قبل ما تتحرك
الإثنين 17/أغسطس/2026 - 01:30 ص
لو نازل أكتوبر أو الجيزة الأيام دي.. اسمع الكلمتين دول كويس عشان ما تعطلش في الطريق.
في قفلة كاملة لميدان حيوي هناك بسبب شغل القطار الكهربائي السريع.. والميدان المقفول هو ميدان رامو في 6 أكتوبر، اللي بيربط بين الحي المتميز ومناطق غرب سوميد
المرور أعلن عن غلق كلي للميدان لمدة أسبوع كامل.. الشغل شغال يومياً من 12 بالليل لحد 6 الصبح، عشان بيتم تركيب الكمر الخرساني للمشروع.
طب تمشي منين وتتفادى الزحمة؟
لو جاي من الحي المتميز ورايح غرب سوميد: ادخل شارع عبد الخالق ثروت باتجاه طريق الواحات، وخد أول يمين في طريق غرب سوميد.
لو جاي من غرب سوميد ورايح الحي المتميز: كمل في طريق غرب سوميد باتجاه امتداد محور 26 يوليو، وادخل يمين من شارع سعاد كفافي.
