لاقيت خط محمول باسمك من غير علمك؟ خطوات بسيطة تخلّصك منه

ممكن تكتشف فجأة إن فيه خط محمول متسجل باسمك وإنت أصلًا معندكش أي فكرة عنه.. لو حصل معاك كده، متسيبش الخط من غير ما تتصرف، لأن أي استخدام للخط ممكن يعملك مشكلة.

الحل بسيط.. تقدر تعرف الخطوط المسجلة باسمك من خلال تطبيق "تراي"، ولو لقيت رقم مش بتاعك، تقدر تتوجه لأقرب فرع تابع لشركة المحمول وتطلب إلغاء الخط أو اتخاذ الإجراءات اللازمة.

وخد بالك.. متديش بياناتك أو صورة بطاقتك لأي حد، واتأكد دايمًا إن بياناتك مش بتتستخدم في تسجيل خطوط من غير علمك. راجع الخطوط المسجلة باسمك.. وخلي بياناتك في أمان.