120 ألف راكب يوميا.. الأتوبيس الترددي داخل على نقلة جديدة
الجمعة 14/أغسطس/2026 - 05:00 ص
الأتوبيس الترددي على الطريق الدائري داخل على نقلة جديدة بعد ما وصل عدد الركاب حاليًا لحوالي 60 ألف راكب يوميًا، فيه خطة لمضاعفة العدد لـ 120 ألف راكب كل يوم قبل نهاية السنة.
وده بالتزامن مع تشغيل المرحلة التانية من المشروع، واللي هتضيف 21 محطة جديدة، عشان تغطي مناطق أكتر وتسهل حركة المواطنين على الطريق الدائري.
ومع اكتمال المشروع، عدد الأتوبيسات هيزيد لـ 320 أتوبيس، والهدف مش بس نقل عدد أكبر من الركاب، لكن كمان تقليل الزحمة والاعتماد على الميكروباصات. يعني الأتوبيس الترددي داخل بقوة عشان يبقى واحد من أهم وسائل النقل على الدائري.
