جيبوتي في مرمى الصادرات المصرية.. خطة جديدة لفتح أسواق شرق إفريقيا

مصر بتفتح باب جديد لصادراتها في شرق إفريقيا.. والبداية من جيبوتي.

الحكومة بتتحرك لزيادة الصادرات المصرية للسوق الجيبوتي، خصوصًا المنتجات الغذائية والزراعية، مع خطط لربط المستوردين في جيبوتي بالمصانع والشركات المصرية.

والهدف مش جيبوتي بس.. لكن تحويلها لبوابة تساعد المنتجات المصرية على الوصول لأسواق شرق إفريقيا.

وفي نفس الوقت، مصر بتتحرك لتسهيل حركة التجارة مع القارة، من خلال التوسع في خطوط النقل والشحن البحري، ومن بينها خط يستهدف الربط مع جيبوتي.

والخطة بتيجي في وقت وصلت فيه صادرات مصر للدول الإفريقية لحوالي 7.7 مليار دولار خلال 2025.

يعني القاهرة مش بتدور على سوق جديد بس.. دي بتوسع طريق المنتجات المصرية جوه إفريقيا.