الفراخ تغلى والبيض يتراجع.. مفاجأة في أسعار اليوم

الفراخ والبيض النهارده عاملين حركة عكس بعض تمامًا...الفراخ بتطلع، والبيض بينزل.

وبحسب بيانات بوابة الأسعار المحلية والعالمية التابعة لمركز معلومات مجلس الوزراء، متوسط سعر كيلو الدواجن في الأسواق وصل النهارده الاثنين لـ98.98 جنيه، بزيادة 1.35 جنيه عن أمس.

لكن الأسعار بتختلف حسب النوع.

الدواجن البيضاء بتبدأ من حوالي 77.07 جنيه للكيلو، بينما الدواجن البلدي بتوصل لحد 121.73 جنيه.

طيب والبيض؟

هنا حصل العكس.. متوسط سعر كرتونة البيض، باختلاف الأنواع، نزل لـ105.07 جنيه، بتراجع 1.41 جنيه.

لكن البيض البلدي اتحرك في الاتجاه التاني، وسجل متوسط 130.16 جنيه، بزيادة 1.28 جنيه.

يعني لو داخل تشتري احتياجات البيت النهارده، هتلاقي إن مش كل الأسعار ماشية في اتجاه واحد.

الفراخ زادت 1.35 جنيه للكيلو، والبيض العادي تراجع 1.41 جنيه للكرتونة، بينما البيض البلدي زاد 1.28 جنيه.