سمكة واحدة ممكن تغير المعادلة.. ليه مصر بتحتاج تتوسع في استزراع الكوبيا؟

سمكة واحدة ممكن تغير معادلة الاستزراع السمكي في مصر.. اسمها "الكوبيا".

رغم إن إنتاجها في مصر لسه محدود وتجريبي، إلا إن السمكة دي عندها مميزات تخليها فرصة واعدة جدًا.

الكوبيا من أسرع الأسماك البحرية نموًا.. ممكن توصل لـ4 أو 6 كيلو خلال سنة، وفي حوالي 16 شهر ممكن توصل لـ8 أو 10 كيلو.

ومش بس كده.. السمكة ممكن توصل لطول مترين ووزن يتجاوز 60 كيلو!

كمان بتتميز بجودة لحومها، وكفاءة عالية في تحويل الغذاء إلى لحم، ومقاومة جيدة للأمراض، وبتتحمل نطاقات واسعة من الملوحة.

وده يخليها مناسبة جدًا للاستزراع في الأقفاص البحرية، خصوصًا إن مصر عندها سواحل طويلة على البحر المتوسط والبحر الأحمر.

والأهم إن الطلب العالمي عليها مرتفع، خصوصًا في أسواق آسيا وأوروبا وأمريكا، وده ممكن يفتح باب جديد أمام صادرات الأسماك المصرية مرتفعة القيمة.

لكن التوسع مش هيحصل بسهولة.. مصر محتاجة تطور برامج التفريخ، وتوفر الزريعة محليًا، وتشتغل على التغذية والإدارة الصحية.

يعني الكوبيا مش مجرد سمكة جديدة.. دي ممكن تكون فرصة استثمارية وتصديرية كبيرة لقطاع الثروة السمكية في مص