لو عديت الأربعين.. وزارة العمل عندها فرصة شغل ليك

وزارة العمل طلعت خبر هيفرح ناس كتير.. لو عندك أكتر من 40 سنة، ممكن تلاقي فرصة شغل جديدة بسهولة.

الوزارة أطلقت مبادرة اسمها "فوق الـ40"، والهدف منها إن أصحاب الخبرات يرجعوا لسوق العمل من جديد، بعيد عن فكرة إن السن يبقى سبب للرفض.

المبادرة بتأكد أن المعيار الحقيقي هو الخبرة والكفاءة، مش تاريخ الميلاد.
كمان دعت كل اللي تجاوزوا الأربعين ويسجلوا بياناتهم إلكترونيًا علشان يتم ترشيحهم للوظائف المناسبة حسب مؤهلاتهم وخبراتهم.

وفي نفس الوقت، الوزارة طلبت من شركات القطاع الخاص إنها تشارك في المبادرة وتوفر فرص عمل للناس اللي عندها خبرة طويلة.

الفكرة أن أصحاب الخبرات عندهم قدرة أكبر على تحمل المسؤولية ونقل خبراتهم لغيرهم، وده بيحقق فايدة للشركات وللاقتصاد كمان.

المبادرة هدفها ترسيخ مبدأ تكافؤ الفرص، وأن أي شخص يشتغل بناءً على كفاءته، مش عمره، ولو كنت من الفئة دي، تابع إعلان الوزارة وسجل بياناتك أول بأول.