معاش بالدولار للمصريين بره.. اعرف هتشترك إزاي

لو إنت مصري شغال بره، فالخبر ده يهمك جدًا. 
الدولة أعلنت عن برنامج جديد اسمه معاش المصريين بالخارج بالدولار، علشان يوفر دخل ثابت بالدولار وقت التقاعد. 
البرنامج مقدم بالتعاون بين شركة مصر لتأمينات الحياة والبنك الأهلي، وتحت إشراف الرقابة المالية.

التقديم متاح للمصريين المقيمين بالخارج من سن 18 لحد 59 سنة، وقيمة الاشتراك بتبدأ من 500 دولار، وتوصل لحد 10 آلاف دولار في السنة، وكمان تقدر تزود اشتراكاتك بعد كده علشان ترفع قيمة المعاش. 

تقدر تختار سن الاستحقاق عند 50 أو 55 أو 60 أو 65 سنة، وكمان تختار تستلم الفلوس كمعاش شهري أو مبلغ واحد حسب شروط الوثيقة، ومن أهم المميزات أن مفيش كشف طبي وقت الاشتراك، وكمان فيه تغطية تأمينية في حالة الوفاة أو العجز الكلي.

والاشتراك هيكون من خلال السفارات والقنصليات المصرية بالخارج، بعد إعلان التفاصيل الرسمية للمبادرة بالكامل قريبًا.