1100 فرصة شغل جديدة.. الحق قدم قبل الزحمة

لو بتدور على شغل، الخبر ده ممكن يغير حياتك. . وزير العمل أعلن عن توفير 1100 فرصة عمل جديدة داخل مجموعة النساجون الشرقيون، في إطار التعاون بين الوزارة والقطاع الخاص.

الفرص بتشمل 500 فني إنتاج، و500 مساعد نساج، و60 مهندس في تخصصات الكهرباء والميكانيكا والإلكترونيات، منهم وظائف لحديثي التخرج وأصحاب الخبرة، وكمان 40 فرصة لسائقي الفورك ليفت.

الوزارة أكدت أن الهدف مش مجرد إعلان وظائف، لكن ربط التدريب المهني بالتشغيل المباشر، علشان الشباب يلاقوا فرصة حقيقية بعد التأهيل.

كمان تم الاتفاق على زيادة التعاون مع المجموعة خلال الفترة الجاية لتوفير فرص أكتر وتدريب العمالة حسب احتياجات المصانع.

ولو مهتم، تقدر تراجع الإنفوجراف اللي نشرته الوزارة علشان تعرف الشروط، والأوراق المطلوبة، ومواعيد وأماكن التقديم، الخطوة دي بتأكد أن التعاون بين الحكومة والقطاع الخاص بقى بيترجم لوظائف حقيقية، وبيفتح باب رزق جديد لآلاف الشباب الباحثين عن فرصة عمل مستقرة.