سيارات فاخرة وبضائع بأقل من سعر السوق.. فرصة جديدة في مزاد الجمارك

لو نفسك تشتري عربية أو بضائع بأقل من سعر السوق.. الفرصة دي ممكن تهمك.

وزارة المالية أعلنت عن مزاد جديد لبيع سيارات وبضائع واردة من جمارك الإسكندرية والسلوم والدخيلة، بالإضافة إلى بضائع من السوق الحرة بمطار القاهرة.

المزاد هيضم سيارات ملاكي، ونقل، وموتوسيكلات، وحفارات، وماركات معروفة زي مرسيدس، وبورش، وفولكس فاجن، وميتسوبيشي، وشيفروليه.

ولو حابب تشارك، لازم تشتري كراسة الشروط بـ400 جنيه، وتسدد تأمين دخول 50 ألف جنيه، ولو كسبت المزاد بتدفع 30% من قيمة الصفقة فورًا، والباقي خلال 15 يوم.

جلسة المزاد هتتقام يوم 30 يوليو 2026، والبيع بيكون وفق الشروط المعلنة والمعاينة أساس الشراء.