هتحجز أرض استثمارية؟.. اعرف الأوراق المطلوبة قبل التقديم

لو ناوي تحجز أرض من خلال بوابة الاستثمار الأجنبي، لازم تجهز أوراقك من دلوقتي.

أول حاجة السجل التجاري مع التأكد من تاريخ تأسيس الشركة.

ثانيًا البطاقة الضريبية لو متوفرة.

ثالثًا عقد التأسيس أو صحيفة الاستثمار.

ورابعًا صورة جواز السفر أو ما يعادله حسب دولة الشركة.

كمان لازم تقدم ما يثبت سابقة الخبرة في النشاط اللي بتطلب الأرض علشانه.

وأخيرًا شهادة بنكية بقيمة 150 ألف دولار أو ما يعادلها بعملة أجنبية، مع ترجمة عربية معتمدة للمستندات المطلوبة.

ولو مفيش فرصة استثمارية متاحة في المدينة أو النشاط اللي اخترته، النظام هيبلغك برسالة على البريد الإلكتروني.