الجنيه ينتصر من جديد.. ليلة سقوط الدولار
يا ترى إيه اللي بيحصل للدولار في مصر؟ وليه بينزل بشكل متواصل؟ وهل الجنيه رجع يستعيد قوته من جديد؟ وإيه سر الهبوط الكبير اللي خلا الدولار يفقد كل المكاسب اللي حققها بعد اندلاع حرب إيران في نهاية فبراير؟ وهل اللي بنشوفه دلوقتي حركة مؤقتة ولا بداية مرحلة جديدة في سوق الصرف؟
الدولار سجل خسارة جديدة خلال تعاملات النهارده، وواصل رحلة التراجع قدام الجنيه للمرة التانية على التوالي والأهم من كده إنه فقد المكاسب الكبيرة اللي كان حققها وقت التوترات الجيوسياسية بعد اندلاع حرب إيران في نهاية فبراير لما سعره قفز وقتها لمستويات قياسية لكن مع تغير الأوضاع بدأت الصورة تختلف والدولار رجع ينزل من جديد.
طيب الجنيه كسب قد إيه خلال تعاملات النهارده؟
الجنيه حقق مكسب جديد بحوالي 25 قرش في يوم واحد وده انعكس بشكل مباشر على أسعار الصرف في كل البنوك والأهم إن الدولار فضل تحت مستوى 50 جنيه في جميع البنوك المصرية وده مستوى السوق ماشفهوش من شهر مارس الماضي ودي إشارة مهمة إن الجنيه قدر يستعيد جزء كبير من قوته خلال الأيام الأخيرة.
طيب أسعار الدولار وصلت لفين؟
أعلى سعر اتسجل في بنك أبوظبي الإسلامي عند 49 39 جنيه للشراء و49 49 جنيه للبيع بينما أقل سعر كان في بنك التنمية الصناعية عند 49 03 جنيه للشراء و49 13 جنيه للبيع وفي بنوك الأهلي المصري والمصرف المتحد والمصرف العربي سجل الدولار 49 21 جنيه للشراء و49 31 جنيه للبيع أما في بنوك مصر والأهلي الكويتي وقناة السويس وكريدي أغريكول والتجاري الدولي وبيت التمويل الكويتي فسجل 49 20 جنيه للشراء و49 30 جنيه للبيع وفي البنك المركزي المصري وصل إلى 49 31 جنيه للشراء و49 45 جنيه للبيع.
طيب إيه السبب الحقيقي وراء التراجع ده؟
السبب الأهم هو الزيادة الكبيرة في دخول الاستثمارات الأجنبية لأدوات الدين الحكومية المصرية خلال شهر يونيو لأن المستثمرين العرب والأجانب رجعوا يشتروا بقوة في السوق المصري وده وفر سيولة دولارية كبيرة خلت المعروض من الدولار يزيد وبالتالي الجنيه يستفيد ويحقق مكاسب قدامه.
طب حجم التدفقات دي قد إيه؟
الأرقام بتقول إن صافي مشتريات العرب والأجانب في السوق الثانوية للدين الحكومي وصل من بداية شهر يونيو إلى 8 1 مليار دولار وده رقم كبير جدا بيوضح حجم الإقبال على السوق المصري وخلال الأسبوع اللي فات لوحده دخلت استثمارات جديدة بقيمة 1 1 مليار دولار وقبلها كانت التدفقات خلال أول 3 أسابيع من يونيو وصلت إلى 6 96 مليار دولار موزعة على 2 3 مليار دولار في الأسبوع الأول و635 مليون دولار في الأسبوع التاني و4 مليارات دولار في الأسبوع اللي بعده وده معناه إن دخول الأموال استمر بشكل قوي طول الشهر.
وهل الأموال الساخنة هي السبب الوحيد؟
لا طبعا.. لأن فيه عوامل تانية دعمت قوة الجنيه أهمها استمرار زيادة موارد النقد الأجنبي وتحسن السيولة داخل الجهاز المصرفي وده خلق توازن أكبر في سوق الصرف وخفف الضغوط اللي كانت موجودة على العملة المحلية خلال الفترات اللي فاتت.
واحتياطي النقد الأجنبي وضعه عامل إيه؟
الأرقام بتقول إن الاحتياطي واصل تسجيل مستويات قياسية ووصل في نهاية مايو 2026 إلى 53 134 مليار دولار بعدما كان 53 009 مليار دولار في أبريل بزيادة 125 مليون دولار وده أعلى احتياطي نقدي في تاريخ مصر وارتفاع الاحتياطي معناه إن الدولة بقى عندها قدرة أكبر على تلبية احتياجاتها من العملة الأجنبية ومواجهة أي تقلبات خارجية.
وكمان البنك المركزي زود احتياطياته من الذهب بحوالي 3000 أونصة ووصل إجمالي الاحتياطي إلى 4 167 مليون أونصة ورغم إن انخفاض أسعار الذهب العالمية خفض قيمة احتياطي الذهب بحوالي 425 مليون دولار إلا إن زيادة أرصدة العملات الأجنبية بنحو 656 مليون دولار عوضت الانخفاض ده وساعدت في استمرار ارتفاع الاحتياطي.
