4 علامات في عداد الغاز.. لو ظهرت متتأخرش في الاتصال بالشركة

لو عندك عداد غاز مسبق الدفع، فيه 4 علامات مينفعش تتجاهلها، لأنها ممكن تدل على عطل أو مشكلة تحتاج تدخل فني.

أول علامة.. ظهور كلمة Error أو أي كود خطأ على شاشة العداد.

تاني علامة.. شاشة العداد تطفي أو تختفي منها البيانات بشكل مفاجئ.

تالت علامة.. العداد يرفض قراءة كارت الشحن رغم إنه سليم.

ورابع علامة.. العداد يثبت على نفس القراءة أو الغاز يفصل رغم وجود رصيد في الكارت.

في كل الحالات دي، متحاولش تفتح العداد أو تصلحه بنفسك، والأفضل تبلغ شركة الغاز علشان تبعت فني يفحص المشكلة ويتعامل معاها بشكل آمن.

ولو ظهر كود خاص بالأمان أو احتمال وجود تسريب، اقفل محبس الغاز فورًا واتصل بالشركة بدون تأخير.