شقق الحكومة راجعة.. وسكن لكل المصريين 9 قرب يفتح

لو مستني شقة من الإسكان الاجتماعي، فممكن يكون الوقت قرب جدًا، لأن الحكومة بتستعد تطرح مرحلة جديدة من مشروع سكن لكل المصريين 9، واللي هيضم آلاف الوحدات كاملة التشطيب لمحدودي ومتوسطي الدخل.

كراسة الشروط هتنزل قريب على موقع صندوق الإسكان الاجتماعي، وبعدها هيبدأ الحجز الإلكتروني ورفع الأوراق المطلوبة.

الوحدات مساحتها من 75 لـ90 متر، وبنظام تمويل عقاري بيوصل لـ20 أو حتى 30 سنة، عشان القسط يبقى مناسب لأكبر عدد من المواطنين.

لكن قبل ما تقدم، لازم تتأكد إنك مستوفي الشروط، أهمها السن وحدود الدخل، وإنك ما تكونش حصلت قبل كده على وحدة أو أرض من مشروعات الإسكان المدعومة، كمان جهز من دلوقتي بطاقة الرقم القومي، ومستندات الدخل، وإيصال مرافق، وباقي الأوراق المطلوبة، علشان أول ما باب الحجز يفتح تكون جاهز وتلحق تقدم من غير أي تأخير أو ضغط في اللحظات الأخيرة.