معاك رصيد والماكينة رافضة تصرف؟.. 5 أسباب ممكن تمنع سحب فلوسك من الـATM
الأحد 28/يونيو/2026 - 06:00 ص
معاك فلوس في الحساب لكن ماكينة الـATM رافضة تصرف؟ متقلقش، مش شرط تكون المشكلة في رصيدك.
أول سبب ممكن تكون وصلت للحد الأقصى للسحب اليومي.
تاني سبب إنك دخلت الرقم السري غلط أكتر من مرة، وساعتها البطاقة ممكن تتوقف مؤقتًا.
كمان ممكن تكون الماكينة نفسها فيها عطل، أو مفيهاش سيولة كافية، أو بطاقتك انتهت صلاحيتها، أو البنك وقف البطاقة مؤقتًا لأسباب أمنية.
ولو الماكينة رفضت السحب اوعى تفضل تكرر المحاولة على نفس الماكينة، لأن الأفضل تجرب ماكينة تانية، ولو المشكلة مستمرة تواصل مع خدمة عملاء البنك لمعرفة السبب.
