10 حالات تؤدي لإلغاء الدعم فورًا.. تأكد من بطاقتك قبل تطبيق النظام الجديد
بطاقتك التموينية في خطر.. الايام اللي فاتت فيه كلام كتير عن تصفية وتنقية بطاقات التموين أو بمعنى أصح فيه ناس هيتشال منها الدعم وكله بقى يسأل يا ترى إيه هي الحالات اللي بتخلي البطاقة تقف نهائي وازاي تحمي دعمك.
الجهات المعنية حسمت الجدل تمامًا بخصوص الموضوع ده وحددت 10 حالات رئيسية بتؤدي لإلغاء بطاقة التموين فورا لو انطبقت على صاحبها ومن أبرز الحالات دي إن فاتورة الكهرباء الشهرية تعدي الـ 800 جنيه أو يكون الاستهلاك الشهري أكتر من 9600 جنيه وكمان لو بتمتلك سيارة حديثة موديل 2017 أو أحدث أو عندك حيازة زراعية بتوصل لـ 10 أفدنة فأكثر.
والشروط بتضم كمان اللي بيدفعوا مصروفات مدارس مرتفعة بتوصل لـ 20 ألف جنيه أو أكتر أو اللي بيمتلكوا نشاط تجاري برأس مال ضخم ده غير حالات تكرار استخراج بدل فاقد بشكل مبالغ فيه أو التعدي على الأراضي الزراعية والبناء عليها والموضوع بيوصل للإلغاء كمان لو مسافرتش وصرفت عيش أو سلع لمدة 6 شهور ورا بعض أو لو حد من الأسرة سافر بره والبيانات متحدثتش وعشان كده الوزارة بتأكد دايما على أهمية تحديث البيانات من خلال بوابة مصر الرقمية.
