رسميا.. الأسعار الجديدة للعدادات الكودية.. تعريفة موحدة بـ274 قرشا لكل كيلووات ساعة

رسميا تم الإعلان عن أسعار شرائح الكهرباء الجديدة للقطاع المنزلي والتجاري.

البداية من الشريحة الأولى اللي سجلت ٦٨ قرش للكيلووات وبتتدرج لحد ما توصل لـ ٢ جنيه و٥٨ قرش للي بيستهلك أكتر من ١٠٠٠ كيلووات والهدف هو مراجعة هيكل الأسعار بما يتناسب مع تكلفة الإنتاج.

وبالنسبة للناس اللي مركبة عدادات كودية فـ تم تحديد سعر موحد للشريحة وهو ٢ جنيه و٧٤ قرش والتغيير ده بيشمل كمان الجهد الفائق والمتوسط وقطاعات تانية زي مترو الأنفاق وشركات مياه الشرب والري اللي شهدت هي كمان زيادات بنسب مختلفة لضمان استمرارية الخدمة وتطوير الشبكات.

التقرير كمان وضح تفاصيل دقيقة لأسعار الجهد العالي والفائق اللي بتخص المصانع والشركات الكبيرة ووصلت الزيادة في بعض القطاعات لـ ٢٩ قرش للكيلووات..
بس خد بالك لو انت من الناس اللي بتسافر لفترات طويلة بلاش تسيب العداد الكودي بتاعك من غير رصيد كافي عشان تتجنب أي مشاكل أو غرامات ممكن تحصل.