الفراخ رخصت 30%.. دي أسعارها في السوق دلوقتي

مفاجأة كان مستنيها ناس كتير أسعار الدواجن نزلت 30% بعد العيد.. ده اللي أعلن عنه أبو الفتوح مبروك، نائب رئيس شعبة الدواجن، لما  قال إن الأسعار كانت ارتفعت قبل العيد بسبب الطلب الكبير اللي زاد عن الطبيعي بأكتر من 30%، لكن دلوقتي بعد ما انتهت إجازة عيد الفطر، السوق استقر والأسعار رجعت لمستوى عادل ومريح للجميع ونزلت 30%

وقال الحل الجدي اللي بيقترحه المسئولين إنشاء مخازن وثلاجات ضخمة تتبع الدولة ووزارة التموين، علشان نقدر نخزن الدواجن في فترات انخفاض السعر ونضخها عند ارتفاع الأسعار، وبالتالي نحافظ على ثبات السوق ونحمي المستهلكين والمنتجين من تقلبات الأسعار.

وعلشان تعرف، سعر الكيلو من المزرعة دلوقتي بين 70 و75 جنيه، وبيوصل للمستهلك بين 80 و85 جنيه، مقارنة بـ115 جنيه وقت رمضان. يعني دلوقتي السوق في توازن والسعر “عادل ومرض” لكل الأطراف.