فاتورة الطاقة في مصر اتضاعفت من 1.2 لـ 2.5 مليار شهريا
السبت 28/مارس/2026 - 07:59 م
فاتورة الطاقة في مصر اتضاعفت في شهرين بس.. من 1.2 مليار دولار في يناير… لـ 2.5 مليار دولار في مارس!
رئيس الوزراء مصطفى مدبولي، قال إن التحدي الأكبر اللي بنواجهه دلوقتي هو الارتفاع الرهيب في أسعار الطاقة عالميًا
سعر طن السولار كان 665 دولار ودلوقتي بقى 1665 دولار.
ومصر بتستهلك يوميًا حوالي 24 ألف طن سولار وده خلّى الفاتورة اليومية تزيد حوالي 24 مليون دولار
يعني بنتكلم في زيادة شهرية توصل لـ 700 أو 750 مليون دولار.
علشان كده، مكنش قدام الحكومة غير حلّين:
تحريك الأسعار بشكل جزئي، وكمان ترشيد استهلاك الطاقة، لأن أي زيادة في الطاقة هتنعكس على أسعار السلع كلها.
رئيس الوزراء قال وإحنا بنحط سيناريوهات لو الأزمة استمرت، وهدفنا نحافظ على استقرار الاقتصاد المصري.
