بعد ما وصلت 70 جنيه.. الحكومة تطمّن المواطنين: الطماطم هترخص
السبت 28/مارس/2026 - 07:56 م
رئيس الوزراء زف بشرى مهمة بخصوص أسعار الطماطم.. بعد ما الأسعار كانت مولعة ووصلت لـ 50 و70 جنيه في بعض الأماكن دلوقتي بدأت تنزل.
ووفق تصريحات مصطفى مدبولي السعر بقى حاليًا من 10 لـ 15 جنيه في سوق العبور ومتوقع ينخفض أكتر خلال الفترة الجاية.
طب إيه اللي حصل أصلاً؟ الموضوع كان بسبب أزمة مؤقتة في المحصول في الصعيد.
وده عمل نقص في المعروض فرفع الأسعار.. بس الحكومة بتأكد إن الوضع مستقر وفي وفرة في السلع بشكل عام
وكمان في مخزون استراتيجي من السلع يكفي من 6 شهور لسنة كاملة.
الدولة بتشتغل على تأمين الغذاء وتطوير الأسواق والمنافذ عشان تتجنب أي أزمات تاني.
