معاش إضافي فوق معاشك.. بشرى سارة لأصحاب المعاشات

خلال الأيام الأخيرة اتكلم نواب في البرلمان عن تعديلات جديدة على قانون المعاشات، وأبرزها فكرة “المعاش الإضافي” لفئات معينة الخبر خلّى أصحاب المعاشات والموظفين يسألوا: هل ده معناه فلوس زيادة فعلًا؟ 

القانون بيوضح إن المعاش الإضافي مش لكل الناس، لكنه مخصص للمؤمن عليهم اللي أجرهم أعلى من الحد الأقصى للاشتراك التأميني، وبيكون عن طريق اشتراكات إضافية بتتدفع على الجزء الزائد من المرتب.

 الاشتراكات دي بتتحط في حساب شخصي باسم المؤمن عليه، ولما يطلع معاش بيتحسب له مبلغ إضافي فوق معاشه الأساسي 
كمان القانون حدد حالات استحقاق المعاش بشكل عام، زي بلوغ سن التقاعد مع مدة اشتراك كافية، أو في حالات العجز أو الوفاة، أو انتهاء الخدمة بشروط معينة. 

وفي بعض الحالات لازم تكون مدة الاشتراك سنوات طويلة علشان يضمن المواطن معاش مناسب 
الموضوع لسه في إطار التعديلات والمناقشات، لكن الخبر فتح أمل عند ناس كتير إن يكون فيه تحسين فعلي في دخول أصحاب المعاشات اللي بيعانوا من ارتفاع الأسعار.

السؤال المهم هل شايف إن المعاشات الحالية كفاية تعيش حياة كريمة؟ ولا محتاجة زيادات أكبر بكتير؟