للمقبلين على الزواج.. خطوات الحصول على تمويل لتأثيث شقة الزوجية من بنك ناصر

جهز بيتك بدون وجع دماغ.. لو أنت مقبل على الزواج وعايز تأثث شقتك الجديدة بدون ما تتعرض لضغوط مالية، بنك ناصر الاجتماعي عنده الحل.

التمويل متاح لموظفي الحكومة، أصحاب المعاشات، وحتى العاملين بالقطاع الخاص المؤمن عليهم.. الفوايد أقل من البنوك التانية، والمدة مرنة بين سنة لغاية 10 سنين حسب احتياجك.

كل اللي عليك، تقدم طلب التمويل، وتجهيز المستندات المطلوبة زي بطاقة الرقم القومي، الرقم التأميني، إيصال مرفق حديث، وبيان مفردات الدخل، وكمان صورة وثيقة الزواج أو محضر الخطبة.

وبكده تقدر تبدأ تجهيز شقتك براحة، وتستقبل حياتك الزوجية من غير توتر أو ضغوط مالية.. بنك ناصر موجود عشان يسهلك الخطوة دي ويخلي حلمك ببيت مرتب يبقى قريب جدًا منك!