أقل من 24 ساعة.. رد مقدم حجز شقق وزارة الإسكان لغير المقبولين في الطرح الأخير
لو قدمت على شقة ومجاتلكش تخصيص.. اسمع الخبر ده للآخر
خلال أقل من 24 ساعة، هيبدأ رد فلوس جدية الحجز لكل اللي مقدمين في الطرح الأخير ومحالفهمش الحظ
القرار جاي من وزارة الإسكان والمرافق والمجتمعات العمرانية، والتنفيذ هيتم عن طريق بنك التعمير والإسكان.
الكلام ده يخص الناس اللي قدمت عبر منصة مصر العقارية في الطرح التاني الخاص بـ 400 ألف وحدة سكنية، والنتيجة ظهرت في يناير 2026.
طيب الفلوس هترجع إزاي؟ بمنتهى البساطة المبلغ هيتحول مباشرة على رقم الحساب البنكي "IBAN" اللي انت سجلته وقت التقديم.. من غير ما تروح بنك، ولا تقدم طلب جديد.
قيمة مقدم الحجز كانت كام؟
المبالغ كانت بتتراوح ما بين 150 ألف لـ 250 ألف جنيه، حسب نوع المشروع.
والمشروعات اللي بيشملها رد المبالغ هي:
مشروع ظلال
مشروع جنة
مشروع ديارنا
سكن مصر
الإسكان الحر
الإسكان المتنوع
يعني أي حد مقدم في الطرح ده ومجاش عليه تخصيص فلوسه راجعة كاملة.
الموضوع ده مهم جدًا خصوصًا إن المبالغ كانت كبيرة، وناس كتير كانت مستنية تعرف مصير فلوسها.
وفي نفس الوقت، المنصة بدأت تطور خدماتها الإلكترونية علشان تسهل على الناس خطوات التقديم والتمويل العقاري، وتعرض أحدث الطروحات والوحدات سواء سكنية أو تجارية أو حتى استثمارية.
