احجز شقتك أونلاين.. كل خدمات منصة مصر العقارية وخطوات التسجيل بالتفصيل

عايز تحجز شقة من غير زحمة ولا ورق كتير؟  دلوقتي تقدر تخلص كل حاجة أونلاين من خلال منصة مصر العقارية.. المنصة أعلنت عن خدمات إلكترونية جديدة، وكمان مشروعات إسكان متميز وفاخر هتتطرح قريب.. تقدر من خلالها:

تعرف أحدث طروحات وزارة الإسكان.

تشوف إزاي تحصل على وحدة بنظام التمويل العقاري.

تطّلع على العقارات التجارية.

تشوف وحدات للإيجار.

تتعرف على الفرص الاستثمارية.

وتتابع المشروعات الفاخرة والمتميزة.

طيب إزاي تسجل؟ 

تدخل على الموقع الرسمي، تضغط "إنشاء حساب جديد"

تدخل الرقم القومي.

رقم الموبايل يكون باسمك.

اسم الأم الأول.

رقم المصنع في البطاقة.

توافق على الشروط وتسجل.

بعد تفعيل الحساب، تختار المشروع، تطّلع على كراسة الشروط، ترفع المستندات، وتدفع جدية الحجز أونلاين بكل سهولة.. يعني الموضوع كله من موبايلك من غير طوابير.