وظائف بمرتبات أكتر من 13 ألف جنيه.. اعرف الشروط وطريقة التقديم
وزارة العمل أعلنت عن توافر وظائف برواتب هتوصل الى 13 الف و500 جنيه في الشهر.. فيا ترى ايه أنواع الوظايف دي ؟ وايه طريقة التقديم عليها ؟ وايه الشروط المطلوب توافرها فى المتقدمين للوظائف؟
وزارة العمل فجرت مفاجأة من العيار الثقيل في نشرة التوظيف الدورية لشهر يناير الحالي وأعلنت عن حزمة وظائف تخصصية وفنية بمرتبات مجزية جدا بتعكس رؤية الدولة في دعم الكوادر الشابة وتوجيههم لقطاعات حيوية زي إدارة المشروعات والطاقة اللي بقت هي المحرك الأساسي للاقتصاد المصري في الفترة الأخيرة.
المفاجأة الحقيقية في إعلان وزارة العمل المرة دي مش بس في توافر الشغل لكن في نوعية التخصصات المطلوبة والمزايا المالية اللي بتتقدم للشباب حيث شملت الوظائف المعلن عنها تخصصات هندسية وفنية دقيقة بتبدأ رواتبها من 9000 جنيه كحد أدنى وبتوصل لـ 13500 جنيه وده رقم يعتبر ممتاز جدا في ظل الظروف الحالية وبيأكد إن الدولة بقت شريك حقيقي في توفير حياة كريمة للعمال والفنيين.
ولو بصينا لقطاع الهندسة والإدارة هنلاقي إن الوزارة طالبة مدير مواقع بشرط خبرة لا تقل عن 5 سنين ودي وظيفة محورية جدا في أي مشروع قومي أو خاص ده غير طلب 4 مهندسين مواقع بمرتب بيبدأ من 12000 جنيه وده معناه إن فيه تقدير حقيقي للعقول الهندسية اللي هتشرف على تنفيذ المشروعات على أرض الواقع.
أما المفاجأة اللي أسعدت كتير من الشباب فهي الرواتب المخصصة لقطاع الفنيين والمشرفين لأننا لأول مرة بنشوف مشرف تكييف بيوصل مرتبه لـ 13500 جنيه بشرط خبرة من 5 لـ 7 سنين والوزارة محتاجة كمان 7 فنيين تكييف بخبرة من 3 لـ 5 سنين بمرتب بيبدأ من 9000 جنيه وفي نفس السياق فيه طلب لـ 3 فنيين كهرباء باور بمرتبات بتبدأ من 10000 جنيه حسب الخبرة اللي بتتراوح من 3 لـ 7 سنين وحتى العمالة الفنية في مجال النقاشة والديكور كان ليها نصيب بطلب فني مدني نقاشة بخبرة من 3 لـ 6 سنين وبراتب بيبدأ برضه من 9000 جنيه والرواتب دي بتثبت إن الحرفة والمهارة الفنية بقت قيمتها غالية جدا في سوق العمل وما بتقلش أهمية عن الشهادات الجامعية الكبيرة.
وبخصوص التفاصيل اللوجستية والتقديم فالوزارة سهلت الموضوع تماما ووضحت إن مقرات العمل هتكون في منطقة المعادي الجديدة بالقاهرة وتحديدا في 46 شارع النادي الجديد وعشان الوزارة عارفة إن التواصل هو أهم خطوة فخصصت مجموعة أرقام تليفونات يقدر أي شاب يتواصل من خلالها ويستفسر عن الأوراق المطلوبة أو ميعاد المقابلات.
والأرقام دي هل اللى هتظهر على لشاشة دلوقتي: مش لازم المذيع يقول الأرقام نكتفي بعرضها على الشاشة 01270212466 و 01211893612 و 01207781510 و 01270209665
والخطوة دي من وزارة العمل بتيجي ضمن خطة واسعة لمواجهة البطالة وتوفير فرص عمل حقيقية في القطاع الخاص بس بضمانات الدولة اللي بتحفظ للشركات حقوقها وبتحفظ للعامل كرامته وحقه في مرتب عادل يخليه يواجه أعباء الحياة وهو حاسس بالاستقرار والأمان الوظيفي.
