خصم مفاجأة على كارت الأتوبيس.. ادفع تذكرتك بـ50 جنيه بس لفترة محدودة
لو بتركب أتوبيسات النقل العام اللي شغالة بالنظام الذكي الخبر ده ليك
تطبيق طوالي أعلن عن تخفيض كبير على كارت الدفع الإلكتروني.
بدل ما تشتريه بـ83 جنيه، تقدر دلوقتي تاخده بـ50 جنيه بس!
العرض ده بمناسبة شهر رمضان، ومتاح لفترة قصيرة جدًا من الخميس 19 فبراير 2026 لحد الأحد 22 فبراير 2026 فقط.
تقدر تشتري الكارت من جوه الأتوبيس نفسه، أو من المحطات الرئيسية زي:
الجيزة، عبد المنعم رياض، العباسية، التجمع الأول، العتبة، حدائق القبة، بولاق الدكرور، وأحمد حلمي.
وطريقة الاستخدام سهلة جدًا، أول ما تدخل الأتوبيس، قرب الكارت من الجهاز واضغط عليه وقيمة الرحلة هتتخصم فورًا.
ولو عايز تشحنه؟
تقدر تشحن من منافذ البيع، من فوري، من تطبيق طوالي، من جوه الأتوبيس، أو من مكاتب الاشتراكات.
المشروع ده جه ضمن خطة تطوير منظومة النقل العام بالتعاون بين وزارة التنمية المحلية ووزارة الإنتاج الحربي وهيئة النقل العام.
المرحلة الأولى شملت تشغيل حوالي 300 أتوبيس بنظام دفع إلكتروني حديث.
واستخدام الكارت اختياري.. تقدر تدفع بالكارت، أو تدفع عادي وتاخد تذكرتك.
لو بتركب مواصلات كل يوم.. العرض ده ممكن يوفر عليك من أول خطوة.
