إزاي تستخرج سجل تجاري معتمد من الخارجية أونلاين؟ الشروط والخطوات
لو محتاج سجل تجاري معتمد من وزارة الخارجية، دلوقتي تقدر تخلص الموضوع أونلاين من غير ما تلف على مصالح حكومية.
الخدمة متاحة للمصريين اللي معاهم بطاقة رقم قومي سارية، وبتتيح لك طلب مستخرج سجل تجاري علشان يتم التصديق عليه من الخارجية.
أهم حاجة يكون معاك رقم السجل التجاري، أو رقم التسجيل الضريبي، مع تحديد اسم مكتب السجل ومستوى القيد.
ولو أثناء الطلب ظهر إن في بيانات ناقصة، بيكون مطلوب التوجه لمكتب السجل التابع ليك خلال 72 ساعة كحد أقصى علشان تستكمل البيانات، وبعدها تستلم المستخرج من غير أي رسوم إضافية.. علشان تستخدم الخدمة، لازم الأول تعمل حساب شخصي على بوابة مصر الرقمية.
والخطوات بسيطة: بتدخل الموقع، تختار إنشاء حساب جديد، وتسجل الرقم القومي، رقم المصنع الموجود في البطاقة، ورقم موبايل باسمك.
بعدها بيجيلك كود تفعيل على الموبايل، بتدخله، وتعمل كلمة مرور، وتضيف بريدك الإلكتروني، وبكده الحساب يتفعل.
بعد إنشاء الحساب، تقدر تطلب مستخرج السجل التجاري، وتختار طريقة الاستلام المناسبة ليك حسب القنوات المتاحة.
الخدمة دي وفرت وقت ومجهود كبير، وخلت الإجراءات أوضح وأسهل، خصوصًا لرجال الأعمال وأصحاب الشركات اللي محتاجين أوراقهم معتمدة بسرعة.
