من «هدهد» لـ«نباتك».. تكنولوجيا الزراعة تخدم الفلاح بـ«أون لاين»

وزارة الزراعة في عهد الدكتور علاء فاروق شغالة على تطوير الزراعة بطريقة سهلة وبسيطة، هدفها تزود الإنتاج وتقلل الخسارة وتوفر على الفلاح تعب وفلوس، وده من خلال استخدام التكنولوجيا الحديثة بدل الطرق القديمة.

إزاي التكنولوجيا الحديثة بتخدم الفلاح؟

أولا هنجاوب على.. ليه الزراعة بتتطور؟

*علشان نزرع أكتر ونطلع محصول أحسن

*نقلل الفاقد والخسارة في المحصول

*نوفر مياه وري وأسمدة

*نخلي الفلاح يوصل للدعم بسهولة ومن غير وسايط

ثانيا:  كارت الفلاح الذكي (الحيازة الإلكترونية)

*هيكون كارت لكل فلاح بدل الدفاتر الورق

*بيضمن وصول السماد والمبيدات المدعمة لصاحب الأرض الحقيقي

*قضى على السوق السودا واللعب في الدعم

*اتسجل عليه حوالي 8.3 مليون فدان

*مسجل فيه 4.8 مليون مزارع

*بيشتغل كارت بنكي «ميزة»

*بيسهل القروض من البنك الزراعي

*يخلي الدولة عارفة كل محصول مزروع في البلد

ثالثا: تطبيق نباتك.. المرشد الزراعي في الموبايل

*هتصور النبات المريض بالموبايل

*التطبيق يحدد المرض أو الآفة فورا

*يديك برنامج تسميد مناسب للمحصول

*يساعدك تحمي الزرع قبل ما يبوظ

*يربطك بتجار الجملة والمستهلك مباشرة

*يقلل الوسطاء ويزود ربح الفلاح

*يسهل التقديم على قرض المحاصيل

رابعا: التكنولوجيا الجديدة في الزراعة

مساعد ذكي اسمه «هدهد»

*تكلمه أو تكتبله ويساعدك في أي سؤال زراعي

*بستخدام طيارات بدون طيار لمسح الأرض

*تحدد الأماكن اللي محتاجة مياه أو سماد

*توفر في المياه والأسمدة

*أنظمة إنذار مبكر للحر والبرد والصقيع

*تنبه الفلاح قبل التقلبات الجوية