بدون مقدم.. ازاي تاخد شقة تمليك بنفس قيمة الإيجار
لو ساكن إيجار وبتدفع فلوس كل شهر من غير ما تحس إنك قربت تملك حاجة فكر في حل مختلف.
الإيجار التمليكي.. الفكرة ببساطة إنك تسكن من أول يوم وتدفع إيجار ثابت وجزء من اللي بتدفعه بيتحسب من تمن الشقة وفي آخر المدة الوحدة بتبقى باسمك.
من غير مقدم تقيل ومن غير إجراءات تمويل عقاري معقدة.. مجرد التزام شهري واضح بعقد محدد من البداية.
العقد بيكون إيجار منتهي بالتمليك مكتوب فيه مدة التعاقد وسعر الشقة النهائي وامتى الملكية تنتقل لك.
في العادة بيكون في مقدم بسيط حسب الاتفاق وبعد كده بتلتزم بالإيجار الشهري لحد آخر قسط.. المهم إن الالتزام هنا أساسي لأن التأخير ممكن يعرضك لغرامات أو فسخ العقد.
الكهربا والمرافق غالبا بتكون عليك طول فترة الإيجار.. وماينفعش تبيع أو تتنازل عن الشقة قبل ما تملكها إلا بموافقة الجهة المالكة.
وفي آخر قسط بتوقع عقد البيع النهائي وتستلم شقتك ملك رسمي.
يعني بدل ما الإيجار يضيع كل شهر ممكن يكون خطوة ثابتة ناحية بيت باسمك.
