قبل ما تقدم في شقق الإسكان.. اعمل الخطوة دي الأول

التقديم على شقق الإسكان مش بيبدأ من كراسة الشروط ولا من الحجز.. أول حاجة لازم تتعمل إنك تعمل حساب على موقع صندوق التمويل العقاري.

الحساب ده هو اللي من خلاله هتقدم وترفع أوراقك وتتابع طلبك.. الخطوة الأولى تدخل على موقع الصندوق وتختار إنشاء حساب جديد، وبعد كده تسجل بياناتك الأساسية زي الاسم والرقم القومي ورقم الموبايل والإيميل.

وبعد التسجيل هيجيلك كود تفعيل على الموبايل تدخل الكود وتفعل الحساب، بعدها تسجل دخول باستخدام الرقم القومي وكلمة السر، وتبدأ تستكمل بياناتك بالكامل من رفع صورة البطاقة وكتابة العنوان والحالة الاجتماعية وبيانات الدخل، وبعد الانتهاء الحساب بيكون مفعل وجاهز تستخدمه في التقديم والمتابعة من غير أي إجراءات ورقية أو مشاوير.