قسط على 20 سنة.. خطوات الحصول على شقة تمويل عقاري

وزارة الإسكان في الفترة اللي فاتت شغالة بقوة على دعم التمويل العقاري لمشروعاتها في المدن الجديدة.

الهدف واضح تسهيلات أكتر للناس اللي عايزة تشتري وحدات أو أراضي مملوكة لهيئة المجتمعات العمرانية.

مؤخرا هيئة المجتمعات العمرانية وقعت بروتوكول تعاون مع بنك المصرف المتحد وشركة الأولى للتمويل العقاري.

البروتوكول ده بيوفر شراء وحدات وأراضي بنظام التمويل العقاري
وأقساط توصل لحد 20 سنة.

طيب التمويل ده بيشمل ايه.. أولا الوحدات السكنية الفاخرة في مشروعات الهيئة زي ظلال وديارنا وجنة.

ثانيا الأراضي السكنية بكل أنواعها.. طريقة الاستفادة سهلة وواضحة
بعد ما يتم تخصيص الوحدة أو قطعة الأرض.

العميل بيتوجه مباشرة للبنك، وبيقدم رغبته في الشراء بنظام التمويل العقاري.

النظام المالي كالتالي، بتسدد 20% من قيمة الوحدة أو الأرض، وباقي المبلغ بيتقسط على فترة توصل لحد 20 سنة.

مدة التقسيط بتختلف حسب عمر المتقدم.. يعني كل ما العمر يزيد
مدة التقسيط بتقل.

والجهات اللي بتقدم التمويل، بنك المصرف المتحد، وشركة الأولى للتمويل العقاري.