400 ألف جنيه بالتقسيط على 20 سنة.. خريطة أسعار شقق 2026
الخميس 15/يناير/2026 - 12:39 ص
وزارة الإسكان أعلنت رسمي عن طرح 400 الف وحدة سكنية جديدة خلال سنة 2026 في خطوة كبيرة بتستهدف توسعة المعروض من الشقق قدام المواطنين.
الشقق المطروحة مساحاتها بتبدأ من 75 متر وبتوصل لحد 150 متر وده معناه ان في اختيارات مختلفة تناسب احتياجات أسر كتير.. والأسعار المعلنة بتبدأ من 400 الف جنيه وبتوصل لحد 1.2 مليون جنيه حسب المشروع والمساحة والمكان وده في مشروعات معروفة زي سكن مصر ودار مصر وجنة.
الميزة الاهم في الطرح الجديد هي انظمة التقسيط الميسرة من خلال التمويل العقاري بفائدة منخفضة وفترة سداد ممكن توصل لحد 20 سنة وده بيخفف العبء الشهري على ناس كتير.
التقديم والحجز هيكون كله الكتروني من غير مشاوير ولا زحمة سواء من خلال بوابة مصر الرقمية او موقع صندوق الاسكان الاجتماعي.
