خطوة لحل أزمة الإيجار القديم.. 500 مكتب بريد لتسجيل طلبات "السكن البديل"

لو من سكان الإيجار القديم وبتدور على حل السكن البديل.. البريد المصري أعلن إنه ابتداءً من يوم الأحد 18 يناير هيبدأ إتاحة التسجيل الإلكتروني للمواطنين المخاطبين بقانون الإيجار القديم للحصول على السكن البديل.

الخدمة هتكون متاحة من خلال 500 مكتب بريد منتشرين في كل المحافظات، وده في إطار تسهيل الإجراءات وتقديم خدمة منظمة وآمنة للمواطنين.
البريد أكد إن المرحلة الأولى من التقديم مقتصرة على المواطنين اللي عندهم حساب مُفعّل على منصة مصر الرقمية، وده علشان يتم التحقق من البيانات إلكترونيًا بسرعة ودقة.

كمان مكاتب البريد المشاركة هتشتغل فترة مسائية لحد الساعة 6 مساءً، علشان تدي فرصة لأكبر عدد من الناس للتقديم. وخد بالك… لازم تتأكد إن حسابك على منصة مصر الرقمية مُفعّل قبل ما تروح مكتب البريد، علشان تخلص إجراءاتك بسهولة ومن غير تأخير.