إزاي تحجز شقة إسكان اجتماعي 2026؟.. الخطوات والشروط بالتفصيل
السبت 17/يناير/2026 - 12:30 ص
لو بتسأل إزاي تحجز شقة إسكان اجتماعي في 2026.. وزارة الإسكان بتستعد لطرح جديد من شقق الإسكان الاجتماعي والمتوسط، في محافظات ومدن جديدة كتير، وده هيكون خلال الربع الأول من سنة 2026.
الحجز هيكون أونلاين بالكامل من خلال موقع صندوق الإسكان الاجتماعي ودعم التمويل العقاري.
والخطوات بسيطة.. أول حاجة تدخل على موقع الصندوق وقت فتح باب التقديم، تسجل حساب جديد أو تدخل بحسابك، تختار الإعلان المناسب ليك، وتحمل كراسة الشروط وتقراها كويس.
بعد كده تسدد مقدم الحجز والمصاريف الإدارية، وترفع الأوراق المطلوبة أونلاين، وفي الآخر تأكد طلبك عشان يتحسب ضمن المتقدمين.
أما الشروط لازم تكون مصري، سنك ما يقلش عن 21 سنة، وممنوع الأسرة الواحدة تحجز أكتر من وحدة.
