من غير ما تروح الشركة.. طريقة التقديم على عداد الكهرباء الكودي 2026
الأربعاء 14/يناير/2026 - 05:00 ص
لسه بتدور على عداد كهربا ومش عايز تلف على الشركات؟ دلوقتي التقديم على العداد الكودي بقى أونلاين.. وعشان تبقى عارف.. عداد الكهرباء الكودي عداد مسبق الدفع و للوحدات غير المسجلة وبيخليك تتحكم في استهلاكك بنفسك.
وبالنسبة لطريقة التقديم أونلاين 2026:
ادخل على المنصة الموحدة لخدمات الكهرباء
اختار طلب تركيب عداد جديد.. سجل بياناتك: الاسم – الرقم القومي – الموبايل – العنوان.
ارفع الأوراق المطلوبة.
اختار عداد كهرباء كودي.
ابعت الطلب واستنى المعاينة.
والأوراق المطلوبة:
بطاقة رقم قومي
ما يثبت الحيازة أو الإقامة
كود الوحدة
استمارة الطلب
بس كده.. و التركيب بيتم خلال 7 لـ 14 يوم بعد المعاينة وسداد الرسوم.. ومميزاته كتير.. زي تحكم كامل في الاستهلاك
مفيش فواتير مفاجئة، مفيش مديونيات، ودفع على قد استهلاكك.
