حقيقة استمارة الإيجار القديم والسكن البديل

فيه كلام كتير بيتقال اليومين اللي فاتوا عن الإيجار القديم وناس كتير بقت قلقانة من اللي بيتنشر.. الإشاعة المنتشرة بتقول ان اللي هيسجل في استمارة السكن البديل هيصحى يلاقي نفسه مطالب يسلم شقته ويمشي وده كلام غير حقيقي تماما.

اللي حصل ان مي عبد الحميد خرجت ووضحت الصورة وقالت بشكل صريح ان اللي بيتم دلوقتي مجرد حصر مش اخلاء ولا طرد.. يعني الدولة بتحاول تجمع بيانات وتفهم الواقع عالارض مين ساكن فين واحتياجه ايه علشان التخطيط يكون مبني على ارقام حقيقية.

التسجيل نفسه بسيط جدا مفيش اوراق ولا مشاوير ولا مكاتب كل المطلوب رقم عداد الكهرباء وبيانات اساسية عن الشقة علشان يتأكدوا من وجود علاقة ايجارية فقط.

مفيش اي خطوة فيها اخراج حد من بيته غصب عنه والاستمارة بالعكس ضمان ليك علشان لو حصل اي تعديل مستقبلي تبقى مسجل وموجود في حسابات السكن البديل وفقا للقانون.