لو عايز شقة بديل للإيجار القديم.. دي الأوراق المطلوبة

اللي ناوي يقدم على شقق الايجار القديم والسكن البديل لازم يعرف الاول ايه هو الورق المطلوب قبل اي خطوة

أول حاجة الاستمارة وده بتتملي بالبيانات الموجودة في المستندات الاصلية.. بعد كده في المرحلة اللي بعدها بيتم تقديم عقد الايجار القديم ويكون مثبت تاريخ او موثق قانونا.

لو العقد ممتد لازم اعلان وراثة رسمي.. بطاقة الرقم القومي للمستأجر الاصلي وبطاقات الرقم القومي للمتقدم وزوجته واولاده وكل المقيمين، ومستند يثبت الاقامة الفعلية زي فاتورة كهربا او كود العداد او كارت الدفع المسبق، بطاقة الخدمات المتكاملة في حالة ذوي الاعاقة، وايصال مياه او غاز لو موجود.

لازم مراجعة البيانات كويس قبل الارسال لان اي بيان غير صحيح بيخلي المتقدم يتحمل المسئولية كاملة وبيتعرض لرفض الطلب وحرمانه من الدعم..