شروط تكافل وكرامة 2026.. اعرف مين يستحق والأوراق المطلوبة

مع بداية سنة 2026، ناس كتير بتسأل: مين يقدر يدخل برنامج تكافل وكرامة؟.. وإيه الشروط والأوراق المطلوبة؟
خليك معايا وهقولك المختصر المفيد.

أولًا.. شروط التقديم:

لازم تكون مصري ومقيم جوه مصر، ما يكونش عندك وظيفة ثابتة حكومي أو خاص، ولا مشروع تجاري ولا عربية باسمك، وما تمتلكش أرض زراعية أكتر من نص فدان.. الدخل كمان مهم:

برنامج تكافل: دخل الأسرة ما يزيدش عن 1500 جنيه شهريًا.

برنامج كرامة: دخل الفرد ما يزيدش عن 900 جنيه

طيب إيه الأوراق المطلوبة؟ بطاقة رقم قومي لكل فرد فوق 18 سنة، شهادات ميلاد مميكنة، بطاقة تموين لو موجودة، قيد مدرسي للأطفال، وثيقة زواج أو طلاق، شهادة وفاة للأرامل، وما يثبت الإعاقة أو المرض لو موجود، قيد جامعي للطلبة، وشهادة سجن لو عائل الأسرة محبوس.

أما الفئات المستحقة فهي:
ذوي الهمم، كبار السن فوق 65 سنة، المرأة المعيلة: مطلقة، أرملة، مهجورة أو منفصلة، الأطفال اليتامى أو مهجوري العائل، أبناء المسجونين، زوجات نزلاء مراكز الإصلاح، والأسر الفقيرة وأسرة المجند.

لو شايف إن الشروط تنطبق عليك، جهز أوراقك، وتوجه لأقرب وحدة تضامن اجتماعي.