بمحركين وأمان كامل.. هل دي أفضل SUV عائلية في 2026؟
الثلاثاء 06/يناير/2026 - 07:30 م
كيا نزلت وحشها الجديد سبورتاج في السوق السعودي، والعربية دي عاملة قلق.
أولاً: عندك اختيارين للموتور.
واحد تيربو 1600 سي سي بقوة 180 حصان للي بيحب يجري، وواحد تاني 2000 سي سي للي عايز عربية هادية واعتمادية.
ثانياً: الأمان هنا مفيهوش هزار، العربية مليانة إيرباجز وأنظمة مساعدة للسواق زي مثبت السرعة التكيفي، ومراقبة النقطة العمياء، وحتى نظام بيفرمل لوحده في الطوارئ.
ثالثاً: من جوه، كأنك قاعد في مركبة فضائية، شاشتين ضخمين مقاس كل واحدة 12.3 بوصة، وشاحن وايرلس، وكل وسائل الرفاهية.
سعرها بيبدأ من حوالي مليون و200 ألف جنيه.. بالمواصفات دي والسعر ده، هل السبورتاج قدرت تكون أحسن SUV عائلية؟
