تعاون في مجالات مهمة وحساسة.. مشروعات روسية هتغير الأوضاع في مصر
يا ترى ايه اللي بيحصل بين مصر وروسيا في كواليس الاقتصاد والبيزنس؟ وليه فجأة شركات روسية تقيلة بتتحرك ناحية القاهرة ؟وليه القرار جه مباشر من الكرملين؟ وليه التوقيت ده بالذات؟ وايه اللي مصر ممكن تكسبه من تحركات بالحجم ده؟
الأيام الأخيرة فيه تحركات ومفاوضات قوية جدا بتتم بين مصر وروسيا والمفاوضات دي تقدر تقول كده بيشرف عليها شخصيا الرئيس السيسي والرئيس بوتين.
ووفقا للمعلومات اللي تم تسريبها شركات روسية كبرى في مجالات مختلفة تلقت اوامر واضحة وبدأت التحرك للقاهرة واحنا هنا مش بنتكلم عن شركة ولا اتنين لكن عن كيانات ليها وزن في الصناعات الثقيلة والطاقة والتكنولوجيا والتسليح والنقل والصناعة المتقدمة وده كله بيتم في اطار تفاهمات جرت في غرف مغلقة واللي وصلنا منها مجرد تسريبات.
مصر وهي بتدرس العرض الروسي بتفكر بمنطق مختلف مش منطق صفقة سريعة لكن منطق شراكة طويلة الاجل الدولة هنا عايزة نقل تكنولوجيا تصنيع مش مجرد استيراد وعايزة مشروعات تتنفذ على الارض وتخلق قيمة مضافة وتشغل مصانع وتفتح سلاسل انتاج جديدة وتخدم رؤية مصر انها تكون مركز صناعي واقتصادي اقليمي.
واحد من اهم الملفات المطروحة بقوة هو ملف التصنيع العسكري ونقل تكنولوجيا الردع وده ملف حساس جدا بالنسبة لمصر لان الفكرة مش شراء سلاح وخلاص لكن تصنيع وتطوير وبصمة مصرية كاملة وروسيا فتحت الباب وقدمت عروض تتعلق بتطوير الصناعات الجوية المصرية ونقل تكنولوجيا تصنيع مقاتلات ومحركات مع امكانية تطوير نسخ متقدمة بلمسة مصرية.
الكلام هنا عن طائرات ميج ونسخ مطورة منها وكمان طائرات سوخوي باجيال جديدة يتم العمل عليها داخل مصر وده توجه استراتيجي لان الجيش المصري عقيدته واضحة اي سلاح يدخل الخدمة لازم يتطور ويتعدل ويتصنع جزء منه محليا علشان الاستقلال والجاهزية وطول النفس.
التعاون مش واقف عند الجو بس لكن داخل بقوة في البحر تطوير صواريخ بعيدة المدى نظم دفاع جوي بحري تكنولوجيا غواصات وقدرات بحرية تدي مصر ثقل اكبر في شرق المتوسط والبحر الاحمر وده كله في اطار مشروع اكبر لتحديث شامل لقدرات القوات البحرية.
كمان في ملف الفضاء تشغيل اقمار صناعية وتطوير البرنامج الفضائي المصري بالتعاون مع روسيا ومع اطراف دولية تانية وده بيأكد ان الشراكة مش احادية ولا مرتبطة بطرف واحد لكن جزء من سياسة توازن محسوبة.
وفي ملف الطاقة النووية روسيا شريك اساسي في محطة الضبعة لكن الجديد هو السعي لنقل تكنولوجيا تصنيع مكونات المفاعلات نفسها داخل مصر وده معناه صناعة متقدمة جدا بتدخل السوق المصري بهدوء وبتتحضر في نطاق صناعي خاص مرتبط بالمشروع.
سياسيا روسيا بتعيد ترتيب علاقتها مع مصر من زاوية المصالح ومصر من ناحيتها بتتعامل ببراجماتية كاملة لا صداقات دائمة ولا خصومات دائمة في مصالح بتتغير وقرارات بتتاخد بناء عليها.
