شقق إسكان بالتقسيط على 20 سنة.. قدم دلوقتي

لو بتدور على شقة بسعر مناسب وتقسيط طويل يريحك، الحكومة أعلنت عن طرح شقق إسكان بالتقسيط على 20 سنة.

ضمن مبادرة سكن لكل المصريين.
الطرح موجود في مدن جديدة زي
العاشر من رمضان، العبور الجديدة، سوهاج الجديدة، وكمان حدائق العاشر من رمضان.

المساحات متنوعة من 75 لحد 120 متر
والوحدات كاملة المرافق والتشطيب،
ونِسب التنفيذ وصلت في بعض المشروعات لـ 95% يعني استلام قريب.

فيه كمان مشروعات الإسكان الأخضر.. اللي بتعتمد على ترشيد الطاقة والمياه،
وده بيقلل المصاريف عليك بعد السكن.
التقديم ليه شوية شروط بسيطة:
لازم تكون مصري، سنك من 21 لـ 50 سنة، وما تكونش استفدت من إسكان مدعوم قبل كده، ولا حجزت أكتر من وحدة.

التقديم بيبدأ بشراء كراسة الشروط من البريد، تسدد مقدم الحجز، وبعدها تسجل بياناتك على موقع صندوق الإسكان الاجتماعي وترفع المستندات المطلوبة.
وبعد قفل باب التقديم بيتم فحص الطلبات وإعلان المقبولين حسب الشروط.

يعني لو نفسك في شقة بقسط مريح وعلى مدة طويلة الفرصة دي ممكن تكون الأنسب ليك.