عودة بعد غياب.. DFSK راجعة السوق بعربية 7 راكب جديدة
الأحد 28/ديسمبر/2025 - 12:43 ص
بعد غياب سنين، علامة DFSK الصينية رجعت تاني السوق المصري.
والمرة دي راجعة بعربية SUV عائلية 7 راكب جديدة اسمها "DFSK 600".
طب إيه مواصفاتها؟
بنتكلم في موتور تيربو 1500 سي سي بقوة 181 حصان، وفتيس أوتوماتيك 6 سرعات.
ومن جوه، شاشة عملاقة 12.3 بوصة، وشاشة عدادات ديجيتال، وكل أنظمة الأمان اللي ممكن تحتاجها زي حساسات ركن قدام وورا، وكاميرا خلفية، وحتى نظام مراقبة النقطة العمياء.
والأهم من كل ده الضمان، ضمانها 7 سنين أو 150 ألف كيلو. وسعرها الرسمي نزل مليون و 295 ألف جنيه.
