بفايدة ثابته وقسط لغاية 15 سنة.. أسهل طريقة لشراء شقة تمويل عقاري
نفسك تشتري شقة من غير ما تشيل هم الكاش؟ البنك الأهلي المصري فتحها عليك ونزل "التمويل العقاري الحر"! يعني هتشتري شقتك بفائدة ثابتة 15% وقسط يوصل لـ 15 سنة.
لكن إيه نوع الشقق اللي بيمولها البنك الأهلي؟
أي شقة مسجلة شهر عقاري، أو تبع أجهزة المدن زي سكن مصر ودار مصر وجنة، أو حتى في كمبوند لمطور عقاري.. المهم يكون ورقها سليم.
طيب مين يقدر يقدم؟ أي حد.. موظف حكومة، قطاع خاص، أصحاب مهن حرة دكتور أو مهندس، أصحاب تجارة، وحتى المصريين اللي شغالين بره وأصحاب المعاشات.
تعالوا نحسبها سوا؟ لو الشقة بمليون ونص، هتدفع مقدم 20% يعني 300 ألف، والباقي قسط شهري حوالي 23 ألف جنيه. ولو دفعت مقدم أكبر، القسط هيقل معاك ويوصل لـ 14 ألف ونص!
المطلوب منك بسيط.. بطاقتك، وصل مرافق، وإثبات دخلك سواء شهادة راتب أو كشف حساب بنكي.. ولو عايز تعرف تفاصيل أكتر عن الأوراق المطلوبة لكل حالة، اسأل في الكومنتات وهرد عليك فورا
