إزاى تضم الزوجة أو الأولاد لبطاقة التموين أونلاين.. الخطوات والشروط

لو عايز تضيف زوجتك أو أولادك على بطاقة التموين من غير زحمة ولا مشاوير مكاتب التموين.. الكلام ده بقى متاح أونلاين.

وزارة التموين وفرت خدمة جديدة من خلال منصة مصر الرقمية تقدر من خلالها تضيف أفراد أسرتك على البطاقة التموينية وأنت في البيت.. والخطوات بسيطة.

أولًا: ادخل على منصة مصر الرقمية
اختار خدمات التموين. وبعدها خدمة ضم أفراد أسرتي.

اقرأ الشروط كويس.. وسجل البيانات صح وابعت الطلب.

بس مين اللي يقدر يستخدم الخدمة؟
لازم مقدم الطلب يكون صاحب البطاقة ورب الأسرة والشخص اللي هيتضاف ما يكونش مسجل على بطاقة تانية ولا من الفئات المستبعدة من الدعم
وكمان يكون مقيم في نفس العنوان وما ينفعش إضافة أسماء متوفين.

الخدمة دي جزء من خطة أكبر لتقليل الزحمة على مكاتب التموين وتسهيل وصول الدعم لمستحقيه بأسرع وقت ومن غير تعب.