عروض التقسيط على 10 سنوات.. هل ده أفضل حاجه لشراء شقة؟
الثلاثاء 16/ديسمبر/2025 - 08:00 م
بنشوف إعلانات مغرية جدا.. "ادفع 5% مقدم وقسط على 10 أو 12 سنة!
السؤال الأهم.. هل العروض دي فرصة حقيقية ولا فخ تسعيري؟
الإجابة فيها شقين.. الفرصة إن العروض بتمنحك سيولة فورية، وبتخليك تستثمر بـ "فلوس بكرة" اللي قيمتها بتقل مع التضخم، وده بيخليك مستفيد فعلا.
كمان هي بتفتح الباب لطبقات اجتماعية كانت شايفه الشراء مستحيل.
لكن الفخ فين؟ لازم تقارن.. المطور اللي بيقسط على 10 سنين غالبا بيكون سعر المتر عنده أعلى بكتير من المطور اللي بيقسط على 5 سنين أو 7 سنين.
لازم تحسب القسط الإجمالي اللي هتدفعه، وتقارنه بالسعر الكاش للوحدة.. يعني متجريش ورا رقم المقدم القليل.
قارن السعر الإجمالي، واطلب تفاصيل الزيادات السنوية في القسط لو موجودة.
