لو عملت الحركة دي عمرك ما هتاخد شقة إسكان اجتماعي

لو انت حجزت شقة من خلال منصة مصر العقارية لازم تاخد بالك من حركة بسيطة ممكن تضيع عليك كل حاجة.

المنصة أكدت إن أي استرداد فلوس بيرجع على رقم الحساب البنكي اللي انت سجلته بس.. ولازم يكون بالجنيه المصري مش بعملة أجنبية.. المشكلة إن لو كتبت رقم الايبان غلط او مكرر او مش مطابق للصيغة طلبك ممكن يتأثر ويترفض.

وكمان صورة البطاقة لازم تكون واضحة والاسم بتاع الملف يكون مكتوب بحروف انجليزي من غير مسافات ولا رموز.. كمان اي غلطة صغيرة في البيانات ممكن توقف طلبك.

وخاصة ان الطرح الحالي شامل اكتر من 25 الف وحدة في مدن جديدة مختلفة.. يعني لو ناوي تحجز ركز كويس قبل ما تدوس حفظ.