على مسؤولية وزير الإسكان.. أسعار العقارات رايحة على فين

لو مستني اسعار الشقق تنزل في مصر يبقى لازم تفهم الصورة صح.. وزير الاسكان قال بشكل واضح ان وتيرة زيادة اسعار العقارات بدأت تهدى وبقت ابطأ من الاول لكن مفيش اي توقعات بان الاسعار تنخفض.

يعني السوق داخل مرحلة استقرار مش مرحلة نزول.. الارتفاعات الكبيرة اللي حصلت قبل كده دلوقتي بيحصل بعدها تصحيح طبيعي في السوق.

وده معناه ان الاسعار مش بتجري زي زمان بس برضه مش بترجع لورا.. الفترة الجاية الاسعار هتميل للثبات اكتر من القفزات المفاجئة.

اللي هيشتري دلوقتي غالبا مش هيشوف فرق كبير في السعر قدام.. واللي مستني تحصل طفرة هبوط في الاسعار ممكن يضيع وقت من غير فايدة.

يعني سوق العقارات في مصر داخل مرحلة هدوء نسبي لكن مش انخفاض.. والقرار في الاخر حسب ظروف كل واحد لكن الفكرة الواضحة ان مفيش نزول اسعار في المدى القريب.