عبقري من الدقهلية عمل توك توك بيمشي من غير بنزين
الثلاثاء 09/ديسمبر/2025 - 01:14 ص
في قرية في الدقهلية، فيه عم أحمد، راجل بسيط قرر يعمل حاجة مجنونة.. زهق من مصاريف البنزين والزيت والصيانة اللي كانت بتاكل رزقه كله.
فقرر يحول التوك توك بتاعه عشان يشتغل بالكهربا… جاب بطارية وموتور، وقعد أسبوع يشتغل بإيده لحد ما فكرته نجحت.. وفّر كل يوم 150 جنيه بنزين.
بس عم أحمد مَسِكِتش، قال طب ما أخليه كمان يشتغل بالشمس.. عمل شاسيه حديد فوق السقف، وركب عليه 3 ألواح طاقة شمسية.. والنتيجة؟ توك توك بيمشي 75 كيلو من غير ولا نقطة بنزين.. صامت تماما، ومبيطلعش أي عوادم.
الناس بقت بتركب معاه وتستغرب وتقوله: "انت مش هتدور عشان نمشي؟".. دي مش مجرد فكرة توفير، دي قصة إنسان بسيط قرر يلاقي حل لمشكلته بنفسه.
