قفزة في أسعار فنادق القاهرة.. ليلة واحدة بـ 12 ألف دولار
الثلاثاء 09/ديسمبر/2025 - 03:00 ص
أسعار فنادق القاهرة في ديسمبر ولّعت حرفيًا! تخيل إن ليلة واحدة بس على النيل وصلت 12 ألف دولار في جناح بفندق نايل ريتز.
والقصة مش هنا.. الفنادق كلها تقريبا كاملة العدد، إشغالات فوق 90% ومرشحة توصل لـ 100% آخر الشهر بعد افتتاح المتحف المصري الكبير.
أسعار الفنادق 5 نجوم زادت من 30 لـ 50% عن السنة اللي فاتت.. والأجنحة في فنادق القاهرة دلوقتي بقت بتتراوح بين 5 لـ 7 آلاف دولار في الليلة!
وأغلى الفنادق:
شتيجنبرجر براميدز: 89 ألف جنيه للفرد
سانت ريجيس: 60 ألف
هيلتون جراند نايل: 60 ألف
فورسيزونز نايل بلازا: 45 ألف
مينا هاوس: 38 ألف
والغريب إن مش بس الـ5 نجوم.. حتى البوتيك هوتيل قرب الأهرامات وصل إشغاله لـ 80%، والليلة بـ 60–90 دولار!
القاهرة دلوقتي فعليًا من أكتر المدن زحمة سياحيًا.. والطلب المجنون ده هو اللي رافع الأسعار للسماء.
